Mijëra shtëpi janë pa energji elektrike dhe dallgët po përplasen me rrugët kryesore, teksa Uragani “Florence” po i afrohet bregut lindor të SHBA-së.
Stuhia po lëviz drejt tokës me shpejtësi maksimale prej 150 km/orë. Ndonëse shpejtësia e saj u reduktua kur iu afrua Karolinës së Veriut dhe Jugut, por zyrtarët paralajmërojnë se ende mund të marri “shumë jetë njerëzish” dhe rrezikohen përmbytje katastrofike.
Më shumë se 1 milion njerëz janë urdhëruar të largohen nga shtëpitë.
Guvernatori i Karolinës së Veriut Roy Cooper, ku pritet që “Florence” të mbërrijë në mesditë, tha se mbijetesa nga stuhia do të ishte një provë e “durimit, punës në ekip dhe bashkëpunimit”.
Meteorologu Brandon Locklear u shpreh se: “Karolina e Veriut ka gjasa të shohë sasinë shiun që do të binte në 8 muaj, në vetëm dy-tre ditë.